Jæja já :O)

Hæ hæ, ég fór til ljósu í dag og allt kom vel út og molinn minn hefur það gott í bumbuni  síðustu daga er ég búin að vera pínu örg yfir hinu og þessu, (fór kannski ekki fram hjá neinum í síðasta bloggi)  en maður verður jú að fá sína slæmu daga líka er það ekki? ;O)

Ég á að koma í óléttu sundæfingar á fimmtudögum í Horsens, og ég held að ég hafi ekkert annað en gott af því og gaman líka  Strákarnir eru búnir í skólanum sem betur fer en mér finnst vanta allan metnað í skólann hérna því það er ekki einusinni skólaslit eða neitt!!! Þetta er auðvitað ekki alveg það sem maður á að venjast en mér finnst þetta metnaðarleysi af hálfu skólans. En alla vega er þetta búið núna í bili og þeir eru sko kátir með það gæjarnir.

Jæja ég bið að heilsa í bili og vona að allir hafi það gott.

Kveðja Þórunn.

Keisari ákveðin.

Hæhæ, hér er allt svona meinhæft að frétta. Strákarnir eru að klára síðustu vikuna í skólanum og þeir eru orðnir ansi leiðir á þessum skóla, enda ekkert skrítið því þeir eru látnir sitja inni í öllum tímum og læra, og meira að segja fá þeir enn heimaverkefni! Þetta þykir mér pínu undarlegt svona síðustu daga fyrir skólaslit.  Max meiddist eitthvað á auga um síðustu helgi en þetta er allt að gróa og bólgan að fara, en hann var nú pínu undarlegur þarna fyrst og ég hélt að hann hefði misst sjón á auganu, en sem betur fer fór betur en á horfðist og voffi stálhraustur

Ég er orðin þreytt á meðgönguni ef ég á að segja alveg einsog er, enda með mikla grindargliðnun, ofsakláða í fótum og höndum og sef illa ef ég sef eitthvað  en ég reyni að hugsa um hvað ég fæ í staðin fyrir þetta allt saman  og ég er líka þakklát fyrir að þurfa ekki að ganga með fulla meðgöngu, því ég verð tekin með keisara þann 30 júlí n.k. Og verð þá gengin 37 vikur. Jii hvað mig hlakkar til að fá krílið í heiminn og ég veit að ég á eftir að gleyma allri vanlíðan alveg um leið!!! Á morgun fer ég til Horsens í sjúkraþjálfun og á föstudag til ljósmóður í skoðun, svo það er svosem nóg að gera þessar síðustu vikur.

En ég ætla að láta þetta duga í bili... já hey, talvan mín er í viðgerð og ég á von á henni aftur um helgina og þá væntanlega með netið í lagi svo það fara að koma myndir.

Bið að heilsa í bili .

Kveðja Þórunn 33 v.

9 hvolpa amma!

Komið sæl, ég má til með að segja ykkur að ég er orðin 9 hvolpa amma! Já Max blessaður er orðin pabbi en hefur ekki fengið að hitta afkvæmin sín ennþá því mamman er soldið eigingjörn á molana sína  en það kemur að því að hann fái að skoða. Allir hvolparnir eru við hestaheilsu og allir svartir Labradorlubbar einsog báðir foreldrar. Þetta er fyrsta got tíkinnar svo það er heldur óvenjulegt að fá svo marga hvolpa!

Það er pínu erfitt að setja inn myndir núna því talvan er alltaf að slökkva á sér en það er á döfuni að fá nýja tölvu svo ég vona að mér er fyrirgefið ( en ég veit uppá mig skömmina því talvan hefur auðvitað ekki verið svona allann tímann sem ég hef haft þetta blogg)

Ég fór í skoðun til ljósmóður síðasta mánudag og allt leit mjög vel út og krílið dafnar vel og níðist bara á pissublöðruni minni því hún situr núna einsog er og er alltaf með steppdans æfingar blessuð.  En auðvitað er henni fyrirgefið því tilhlökkunin er svo rosaleg að fá hana í heiminn að við getum varla beðið hehehe. Við erum búin að kaupa rúm, bílstól og kerru svo nú vantar bara vagn

Þetta var svona það helsta sem var í fréttum í bili svo ég læt þetta bara duga núna og verið dugleg að kvitta og reka á eftir skrifum og svoleiðis.

Med kærlig hilsen fra Danmark Þórunn.